Neft hasilatının sabitliyinin təmin edilməsi
26 sentyabr 2024-cü il tarixində Prezident İlham Əliyevin iqtisadi məsələlərə həsr olunmuş müşavirədə çıxışı edərək bildirdi ki, ilin əvvəlindən iqtisadi inkişaf gözlənilən səviyyədədir. İqtisadi artım 4,3 faiz təşkil edib. Bugünkü dünyada gedən prosesləri təhlil edərkən və ümumiyyətlə, geosiyasi vəziyyətə nəzər saldıqda bu, çox müsbət göstəricidir. Ölkə iqtisadiyyatının şaxələndirilməsi istiqamətində atılmış addımlar və düşünülmüş islahatlar siyasəti öz bəhrəsini verməkdədir. İqtisadi inkişaf templəri inkişaf etmiş bir çox ölkələrdə olan iqtisadi inkişaf templərini üstələyir.
Ölkə başçısı qeyd etdi ki, qeyri-neft sektorunun inkişafında müsbət tendensiyadır. Qeyri-neft sektorumuz 7 faiz artmışdır. Son illər ərzində xarici neft şirkətləri tərəfindən həyata keçirilən layihələrdə neftin hasilatı ildən-ilə azalırdı və bu da təbii olaraq bizim ümumi iqtisadi inkişaf templərimizə mənfi təsir göstərirdi və biz bu tənəzzülü qeyri-neft sektorunun inkişafı ilə tənzimləyirdik.
Neft hasilatının sabitliyinin təmin edilməsi başlıca amildir. Neft hasilatında buraxılmış nöqsanlar xarici neft şirkətləri ilə aparılan danışıqlar nəticəsində onların diqqətinə çatdırılmış və onlardan tələb edilmişdir ki, bu nöqsanlar aradan qaldırılsın, neft hasilatının sabitliyi təmin edilsin. Son aylar ərzində bu istiqamətdə çox fəal iş aparılırdı. Bu işin nəticəsi olaraq əsaslı ümidlər yaranmışdır ki, daha bundan sonra heç bir əsası olmadan neft hasilatında tənəzzül olmayacaq. Təbii olaraq hökumət qurumları və Dövlət Neft Şirkəti bu işlərin gələcək gedişatına da daim diqqət yetirəcəkdir.
Eltun Süleymanov: "Güclü iqtisadiyyat güclü dövlət deməkdir"
Hökumətdən inflyasiya açıqlaması - Baş nazir hesabat verir
Rusiya bu ölkələrə neft satmayacaq
Neft bahalaşır, xeyrimizədir, amma narahatıq - TƏHLİL
"Azərbaycanın neft hasilatı azalacaq"
