Mətbuatın Ziya müəllimin üstünə gəlməkdə və ondan yazmaqda məqsədi ondan ibarətdir ki, həmişə çox işləyənin adı hallanar. Bu gün Azərbaycanın Şərqinə, Qərbinə, hansı tərəfinə getsəniz, ölkə rəhbərinin uğurlu siyasətində Ziya Məmmədovun adı var. Çünki yol nəqliyyat infrastrukturu ölkə rəhbərinin siyasətinin qətiyyəti və Ziya müəllimin fədakar əməyi nəticəsində ərsəyə gəlib. Bu mənada gərək, Ziya müəllimin adını yaxşı işlərdə çəksinlər, yəni əsassız və neqativ məlumatlara uymasınlar.

Ziya Ərzuman oğlu Məmmədov 28 aprel 1952-ci ildə Ucar rayonunda anadan olub.
Qırmızı Əmək Bayrağı Ordenli Rostov Dəmir Yolu Nəqliyyatı Mühəndisləri İnstitutunu bitirən Z.Məmmədov əmək fəaliyyətinə 1971-ci ildə başlayıb. 19 yaşında o, Azərbaycan Dövlət Dəmir Yolunun Biləcəri Lokomotiv deposunda maşinist köməkçisi işləyib.
1972-1974-cü illərdə SSRİ Silahlı Qüvvələrində hərbi xidmət keçdikdən sonra Ziya Məmmədov yenidən köhnə iş yerinə qayıdır. 6 il Biləcəridə çalışan Z. Məmmədov bu illərdə Lokomotiv deposunda maşinist köməkçisi, maşinist kimi çalışıb.
Z. Məmmədovun ictimai fəaliyyəti də diqqətdən kənarda qalmayıb. 28 yaşlı Ziya 1980-ci ildə Biləcəri Lokomotiv deposu istismar sexinin partiya təşkilatı katibi təyin olunur. 1983-cü ildə isə depo işçiləri onu həmkarlar komitəsinin sədri vəzifəsinə seçirlər.
1983-1984-cü illərdə Z.Məmmədov Azərbaycan Dəmir Yolu hərəkət xidmətinin Lokomotiv dispetçeri vəzifəsində çalışır. Bundan sonra onun vəzifə pilləsi üzrə karyerası başlanır.
1984-cü ildə 32 yaşlı Z. Məmmədov Biləcəri Lokomotiv deposunun kadr və məişət işləri üzrə müavini təyin edilir. 1987-ci ilə qədər bu vəzifədə çalışan Z. Məmmədov buradan Dəvəçi rayonuna göndərilir. O, 1989-cu ilə qədər Biləcəri Lokomotiv deposu Dəvəçi əvəzedici məntəqəsinin rəisi vəzifəsində işləyir.
Özünü peşəkar dəmiryolçu kimi göstərə bilən Z.Məmmədova ölkənin mühüm dəmiryol qovşağı keçən Gəncəni etibar edirlər. 1989-cu ildə Gəncə Lokomotiv Deposuna rəis təyin olunan 37 yaşlı Z. Məmmədov 1991-ci ilə qədər bura rəhbərliik edir.
90-cı illərin əvvələrindən etibarən Z.Məmmədov “mərkəzə” gətirilir. 1991-ci ildə Azərbaycan Dəmir Yolu Lokomotiv təsərrüfatı xidmətinin rəisi təyin olunan Z. Məmmədov 1993-cü ildə daha mühüm vəzifəyə irəli çəkiilir. Onu Azərbaycan Dövlət Dəmir Yolu İdarəsi rəisinin lokomotiv və vaqon təsərrüfatı üzrə müavini vəzifəsinə təyin edirlər.
1996-cı il 44 yaşlı Z. Məmmədov üçün uğurlu olur. Azərbaycan prezidenti Heydər Əliyevin 31 iyul 1996-cı il tarixli 379 nömrəli sərəncamı ilə Azərbaycan Dövlət Dəmir Yolunun rəisi vəzifəsinə təyin edilir. 2002-ci ilin avqust ayına kimi bu vəzifədə çalışan Z. Məmmədov prezidentin 08 avqust 2002-cı il tarixli 750 nömrəli fərmanı ilə Azərbaycan Respublikasının nəqliyyat naziri vəzifəsinə təyin edilir.

Elə bu vaxtdan respublikanın yol-nəqliyyat strukturunda əsalı dönüş başlayır.

2004-cü ildən başlayaraq Bakı-Gürcüstan sərhədi, Bakı-Rusiya Federasiyası sərhədi, Bakı-İran İslam Respublikası sərhədi avtomobil yollarının tikintisi və yenidən qurulması üzrə irimiqyaslı tədbirlər həyata keçirildi. Bu dövrdə respublikamızda ümumilikdə 11 min kilometrədək avtomobil yolları, 300-dək körpü inşa edilib və təmir olundu. Həmçinin Bakı şəhərində 760 kilometrdən çox avtomobil yolu inşa olunub və yenidən qurulub, o cümlədən 70 körpü, 84 yeraltı və yerüstü piyada keçidi tikilib və təmir edildi. Görülən işlər nəticəsində nəqliyyat sektorunda son 10 ildə daşımaların həcmi 5,7 faiz, sərnişindaşıma 3,7 faiz, tranzit daşınmaları isə 3,4 faiz artdı.
Paytaxt Bakının infrokstrukturu və respublkika yollarında olan dəyişikliklər məhz Ziya Məmmədovun adı ilə bağlıdır. Əcnəbilərin, ölkəmizə gələn qonaqların heyrətinə səbəb olan dəyişikliklərin memarı məhz odur.
Bu gün bunu görməkdən gəlmək, iftira dolu yazılar yazmaq heç bir çərçivəyə sığımır.

Fəxri Dəmiryolçu olan Z. Məmmədov Beynəlxalq Nəqliyyat Akademiyasının həqiqi üzvüdür.
O, həmçinin Rusiya Federasiyası Dərbənd şəhərinin Fəxri vətəndaşıdır. Azərbaycan prezidenti İlham Əliyev 60 yaşını qeyd edən zaman Ziya Məmmədovu "Şöhrət" ordeni ilə təltif edib. O bir məmur ,bir vətəndaş kimi daim ölkənin və prezidentin əmrinə müntəzirdir.