Rusiyanın Ermənistanı silahlandrımaqda davam etməsi Azərbaycan dövlətinin ciddi narazılıq və etirazına səbəb olmaqdadır. Maraqlıdır, baş verənlər Azərbaycan və Rusiya arasındakı siyasi münasibətlərlə yanaşı, iqtisadi münasibətlərə də təsir göstərə bilərmi? Moderator.az-a açıqlama verən millət vəkili Vahid Əhmədov Rusiyanın uzun illərdir ki, Ermənistanı silahdırmaqda davam etdiyini vurğuladı: “Bu proses uzun müddətdir ki, davam edir. Burada söhbət heç də Rusiyanın son dönəmlər Ermənistana verdiyi 400-500 ton silahdan getmir. Rusiya tarix boyu Ermənistna kömək edib. Rusiyanın verdiyi bu silahlardan isə ermənilər Azərbaycana qarşı istifadə edib. Indi də Rusiya Ermənistanı silahlandırmaqdadır.

Onlar başa düşürlər ki, Azərbaycan dövləti öz torpaqlarını geri qaytarmaqda israrlıdır. Cənab prezident çox israrla bu məsələnin üstünə gedir. Ona görə də Azərbaycanın bu istəyinin qarşısını almağa çalışırlar. Bui isə mümkün deyil.

Rusiya ilə Azərbaycan arasında iqtisadi-humanitar və siyasi əlaqələr var. Lakin bu o demək deyil ki, onlar nə desə, biz bunu etməliyik. Dövlətimiz müstəqil siyasət həyata keçirir. Prezidentimiz işğaldakı torpaqlarımızı azad etməkdə israrlıdır. Azərbaycan xalqı da prezidntini qətiyyətlə müdafiə edir. Buna görə də Rusiya Ermənistanı qoruyub saxlamağa, müdafiə etməyə çalışır.

Rusiyanın Ermənistana silah verməsi davam edərsə, o zaman bu dövlətlə siyasi münasibətlərlə yanaşı, iqtisadi münasibətlərə baxılması məsələsi də gündəmə gələ bilər”.