Bu mövsüm Azərbaycan çempionatına qayıtması ilə gündəmə gələn “Kəpəz” klubunun stadionunun çökməsi ilə bağlı məlumatlar yayılıb.


Bununla bağlı sosial şəbəkələrdə fotolar paylaşılıb.

Bildirilir ki, hazırda arenanın tribunaları bərbad vəziyyətdədir. Stadion hər an çökə bilər.
Klubun Müşahidə Şurasının üzvü Mikayıl Nərimanoğlu məsələ ilə bağlı “Qafqazinfo”ya danışıb. O bildirib ki, hazırda araşdırma aparılır: “Fotoları biz də gördük. Hazırda durumu araşdırırıq. Razıyam ki, stadionun bu vəziyyətdə olması təhlükəlidir. Hər şey qaydasına qoyulacaq”.

Qeyd edək ki, “Kəpəz”in Müşahidə Şurasının sədri Gəncə icra başçısı Elmar Vəliyevin oğlu Elmir Vəliyevdir.

http://www.faktxeber.com