Türkiyənin baş naziri Əhməd Davudoğlu iştirak etdiyi bir televiziya proqramında seçkilərə dair mühüm açıqlamalar verib

AKP sədri və baş nazir Əhməd Davudoğlu NTV kanalında canlı yayımda 1 noyabr seçkilərindən sonra yeni bir seçkinin olub-olmayacağı sualına aydınlıq gətirib.
Davudoğlu Türkiyənin 1 noyabr tarixində keçiriləcək növbədənkənar parlament seçkilərindən başqa üçüncü bir seçkiyə gücü çatmayacağını bildirib.
Davudoğlu “1 noyabrdan sonra yenə seçki ola bilərmi?” sualına belə cavab verib:
“Xeyr. Belə bir gündəmimiz yoxdur. Mən bu məsələyə bundan əvvəl də toxunmuşdum. Türkiyənin də belə bir şeyə gücü çata biləcəyini düşünmürəm. Hal-hazırda bu ölkəni mən idarə edirəm və nələr çəkdiyimizi də ancaq biz bilirik”