Sabirabad rayonunun sosial-iqtisadi inkişafı, kənd və şəhər əhalisinin qayğılarının diqqətdə saxlanılması, abadlıq-quruculuq tədbirlərinin davam etdirilməsi və vətəndaşlarla birbaşa ünsiyyət yerli idarəçiliyin mühüm istiqamətlərini təşkil edir. Sabirabad Rayon İcra Hakimiyyətinin başçısı Siraqəddin Cabbarov fəaliyyətində insan amilinə xüsusi önəm verən, sakinlərin müraciətlərinin dinlənilməsini və rayonun qarşısında duran məsələlərin ardıcıl həllini diqqətdə saxlayan rəhbər kimi seçilir. Möhtərəm Prezidentimiz cənab İlham Əliyevin tapşırıq və tövsiyələrinə uyğun olaraq dövlət siyasətinin yerlərdə uğurla həyata keçirilməsi, əhalinin sosial rifahının yüksəldilməsi və insanlara daha yaxın idarəçilik prinsipinin qorunması onun fəaliyyətində əsas istiqamətlərdəndir.

Siraqəddin Cabbarovun fəaliyyətində səyyar görüş-qəbullar xüsusi yer tutur. Belə görüşlərin əhəmiyyəti ondadır ki, sakin öz problemini birbaşa rayon rəhbərliyinin və aidiyyəti xidmət qurumlarının qarşısında səsləndirmək imkanı əldə edir. Ulacalı kəndində Ulacalı, Mürsəlli, Bulduq və Şıxlar kəndlərinin sakinləri ilə keçirilmiş növbəti səyyar görüş də bu yanaşmanın nümunəsidir. Görüşdə sakinlərin qaldırdıqları məsələlərin bir qisminin yerindəcə həll edilməsi, digər müraciətlərlə bağlı isə aidiyyəti təşkilat rəhbərlərinə konkret tapşırıqlar verilməsi göstərir ki, belə qəbullar sadəcə görüş xarakteri daşımır, problemlərin praktik həllinə yönəlir. Şəhid valideynlərinin də iştirak etdiyi görüşdə kəndlərin qayğılarının dinlənilməsi və hər bir məsələyə diqqətlə yanaşılması vətəndaşla dövlət qurumu arasında sağlam ünsiyyətin formalaşmasına xidmət edir.

Şəhid ailələri və qazilərimizə qayğı Sabirabadda sosial və mənəvi məsuliyyətin ən mühüm istiqamətlərindən biridir. Azərbaycanın ərazi bütövlüyü və suverenliyi uğrunda canından keçmiş qəhrəmanlarımızın ailələrini ziyarət etmək, onların qayğıları ilə maraqlanmaq, müraciətlərinə həssaslıqla yanaşmaq dövlətimizin şəhid ailələrinə göstərdiyi yüksək ehtiramın yerlərdə davamıdır. Eyni münasibət Vətən uğrunda sağlamlığını itirmiş qazilərimizə də göstərilməlidir və göstərilən hər bir dəstək xalqımızın qəhrəman övladlarına minnətdarlığının ifadəsidir. Siraqəddin Cabbarovun şəhid ailələri və qazilərlə ünsiyyətə xüsusi həssaslıqla yanaşması, onların problemlərinin diqqətdə saxlanılmasını vacib hesab etməsi dövlətçiliklə mənəvi borcun bir-birini tamamladığı nümunələrdəndir.

Rayon rəhbərliyinin gənclərə və təhsilə münasibəti də xüsusi qeyd olunmağa layiqdir. 2025–2026-cı tədris ilində ali məktəblərə qəbul imtahanlarında 500-dən yüksək bal toplayaraq tələbə adını qazanan Sabirabad gəncləri ilə keçirilən görüş bunun bariz nümunəsidir. Siraqəddin Cabbarov yüksək nəticə göstərmiş gəncləri, onların müəllimlərini və valideynlərini təbrik edərək tələbələrə gələcək həyatlarında uğurlar arzulayıb. Tədbirin sonunda yüksək nəticə göstərmiş məzunların qiymətli hədiyyələrlə mükafatlandırılması və Rayon İcra Hakimiyyəti başçısının Fəxri Fərmanı ilə təltif olunması gənclərin zəhmətinə verilən mənəvi dəyərin ifadəsidir. Belə təşəbbüslər məktəblilərdə daha yaxşı oxumaq həvəsini artırmaqla yanaşı, savadlı və Vətəninə faydalı gənclərin yetişməsinə verilən dəstəyi nümayiş etdirir.

Sabirabadın inkişafı yalnız ayrı-ayrı tədbirlərlə deyil, rayonun ümumi yaşayış mühitinin yaxşılaşdırılmasına yönələn ardıcıl işlərlə ölçülür. Tikinti-quruculuq və abadlıq tədbirləri, sosial problemlərin həlli, kəndlərin qayğılarının öyrənilməsi, xidmət sahələrinin fəaliyyətinin əlaqələndirilməsi və əhalinin rifahının yüksəldilməsi rayon idarəçiliyinin daim diqqət tələb edən istiqamətləridir. Siraqəddin Cabbarovun rəhbərliyində vətəndaşın gündəlik həyatda qarşılaşdığı məsələlərin öyrənilməsinə, aidiyyəti qurumların məsuliyyətinin artırılmasına və görülən işlərin real nəticəsinin sakinlər tərəfindən hiss edilməsinə önəm verilir. İdarəçilikdən razılığın ən mühüm şərti də məhz insanların müraciətlərinin cavabsız qalmaması, dövlət qayğısını öz gündəlik həyatlarında hiss etmələridir.

Bütün bu fəaliyyətin əsasında Prezident İlham Əliyevin regionların inkişafı, insanların sosial rifahının yüksəldilməsi və dövlət məmurlarının xalqa xidmət etməsi ilə bağlı müəyyən etdiyi prinsip və tapşırıqlar dayanır. Dövlət başçısının həyata keçirdiyi siyasətin mahiyyətində Azərbaycan vətəndaşının rifahı, bölgələrin müasir infrastruktura malik olması və hər bir yaşayış məntəqəsində inkişafın hiss edilməsi mühüm yer tutur. Siraqəddin Cabbarov da Sabirabad Rayon İcra Hakimiyyətinin başçısı kimi bu tapşırıqların yerlərdə əməli fəaliyyətə çevrilməsinə, rayonun mövcud imkanlarının düzgün qiymətləndirilməsinə, problemlərin həllində çevikliyin artırılmasına və dövlət-vətəndaş münasibətlərinin möhkəmləndirilməsinə xüsusi diqqət göstərir. Səyyar qəbulların keçirilməsi, sosial məsələlərin yerində araşdırılması, şəhid ailələri və qazilərə diqqət, gənclərin uğurlarının qiymətləndirilməsi məhz bu siyasətin müxtəlif istiqamətlərdə təzahürüdür.

Bu gün Sabirabad Rayon İcra Hakimiyyətinin başçısı Siraqəddin Cabbarovun fəaliyyətində vətəndaşa yaxınlıq, sosial qayğı, təhsilə və gənclərə diqqət, şəhid ailələri və qazilərimizə ehtiram, rayonun abadlığı və insanların daha yüksək rifah şəraitində yaşamasına xidmət edən yanaşma ön plana çıxır. Sabirabadın hər bir kəndinin problemini eşitmək, uğur qazanan gəncin sevincini bölüşmək, şəhid ailəsinin qapısını açmaq, qazinin qayğısına həssas yanaşmaq və rayonun inkişafı üçün gündəlik işi davam etdirmək rəhbərliyin daşıdığı böyük məsuliyyətin ayrı-ayrı tərəfləridir. Möhtərəm Prezidentimiz cənab İlham Əliyevin müəyyən etdiyi siyasi kursa və verdiyi tapşırıqlara uyğun olaraq Sabirabadın daha abad, inkişaf etmiş və yüksək rifaha malik rayona çevrilməsi istiqamətində görülən işlərdə Siraqəddin Cabbarova və rayonun bütün zəhmətkeş kollektivlərinə yeni uğurlar arzulayırıq.