Bunu erməni siyasi ekspert Vigen Akopyan deyib.

Ekspertin sözlərinə görə, Sərkisyan son müsahibəsində heç bir halda yüksək vəzifə tutmaq fikrində olmadığını bildirib. Bununla yanaşı, məsləhətçi olmağa hazır olduğunu qeyd edib:

"Qənaətimə görə, Serj Sərkisyan partiyasını və özünü hakimiyyət dəyişikliyi prosesinə daxil etməyə çalışır. İndi bu proses davam edir. Sərkisyan yeni siyasi reallıqlar çərçivəsində öz mövqeyini tutmağa səy göstərir. Sərkisyanın artıq dövlət vəzifələrini tutmaq niyyətində olmadığını və müşavir statusuna sahib olmağı planlaşdırdığını elan etməsi, "boz kardinal” statusuna qayıtmaq planlarından xəbər verir”.

Akopyan hesab edir ki, üçüncü prezident kölgədən aktiv siyasətə təsir göstərməyə çalışacaq.

Akopyan Ermənistanın gələcək baş naziri postu uğrunda mübarizədə Sərkisyan və Köçəryanın arasında fikir ayrılıqlarının olduğunu iddia edib. O, Sərkisyanın daha çox özünə yaxın adamın bu vəzifəyə seçilməsində maraqlı olduğunu dilə gətirib.

İki keçmiş prezident arasındakı münasibətlərə gəlincə, ekspert bildirib ki, maraqlarının nə qədər üst-üstə düşdüyünü söyləmək çətindir: "Bu anda eyni taktiki maraqlara sahibdirlər - ölkədəki hakimiyyəti dəyişdirmək. Bundan sonra bəzi danışıqlar ola bilər, maraqlar üst-üstə düşməyə bilər. Ancaq düşünürəm ki, ortaq bir rəqib meydana çıxsa, maraqlarının yenidən üst-üstə düşməsi mümkündür”.//Teleqraf.com