Hər qırılan ağac 17 adamı nəfəssiz qoyur. ... Üstəlik, ağacların qırılması təkcə meşələrin məhv olması deyil, eləcə də sürüşmə, daşqın yaradan amildir.

Amma kimdi buna fikir verən. Azərbaycanın ən füsunkar rayonlarında belə ağac söyqırımı davam edir.

Azerinfo.tv-yə Lerik meşələrində davam edən "yaşıl soyqırım”la bağlı yeni şikayətlər daxil daxil olub.

Şikayətlərdə bildirilir ki, meşələri qorumalı olan qurumların rəhbər şəxsləri merkantil maraqlarını güdərək, ağacları qırmaqda davam edirlər.

Hələ ötən il Lerik rayonunun Vizəzəmin meşəbəyliyinin 13 saylı meşə dolayında həmçinin Razvondaband Meşəbəyliyinin 17 saylı meşə dolayında ağaclar kütləvi şəkildə qırılırmasını yazmışdıq.

İndi eyni hal Lerikdə 5 saylı dolayda baş verir. Füzuli Məmmədov adlı şəxs dolayda salamat ağac qoymaq fikrində deyil. Ağaclar kəsilir, üstünə palçıq sürütülür ki, guya köhnədən kəsilib.

Şikayətçilər ağac qatilləri haqda belə yazır:

"Bu işi görənlər elə Meşə Təsərrüfatı İdarəsinin əməkdaşlarıdır. Şikayətlərimizin də xeyri yoxdur. Hamının gözü qarşısında meşələrimiz məhv edilir. Əlaqədar qurumlar isə şikayət edənləri susmağa məcbur edir”.

Mövzunu davam etdirəcəyik.